Nikon D-800

နိုင်ငံတကာဈေးကွက်နဲ့ ပြည်တွင်းဈေးကွက်ထဲမှာ လူကြိုက်များလျက်ရှိတဲ့ Nikon ရဲ့စွမ်းဆောင်ရည်မြင့် Nikon D-800 ဖြစ်ပါတယ်။ ကမ္ဘာမှာ Megapixel အမြင့်ဆုံး Professional ကင်မရာတစ်လုံး လည်းဖြစ်ပါတယ်။ အကောင်းဆုံးလုပ်ဆောင်ချက်နဲ့ အမြင့်မားဆုံးစွမ်းဆောင်ရည်တွေနဲ့ ဖန်တီးထုတ်လုပ်ပေးထားတဲ့ Nikon ရဲ့မျိုးဆက်သစ်ကင်မရာဖြစ်ပါတယ်။ လက်ရှိမှာ အခြားအမှတ်တံဆိပ် Professional ကင်မရာများထက်လည်း စွမ်းဆောင်ရည်မြင့်မားတာကို တွေ့ရပါတယ်။ ဒီကင်မရာကို ပြည်တွင်းက ဓါတ်ပုံဆရာကြီးများလည်း အသုံးများလာတာကို တွေ့ရပါတယ်။ အားသာချက် ပုံရိပ်ကြည်လင်ပြတ်သားမှုကို စွမ်းဆောင်ပေးတဲ့ Megapixel ဟာ အမြင့်မားဆုံးပါဝင်လာတာကိုတွေ့ရပါတယ်။ 36.0 Megapixel ရှိပြီး CMOS ဆင်ဆာကို တပ်ဆင်ပေးထားပါတယ်။ Expeed 3Processor ကိုသုံးထားတာကြောင့် ကင်မရာရဲ့လုပ်ဆောင်ချက်ကို အမြင့်ဆုံး Speed နဲ့အလုပ်လုပ်ပေးနိုင်မှာဖြစ်ပါတယ်။ ISO ကို ၁၀၀ မှ ၆၄၀၀ ထိပေးထားပေမယ့် ကင်မရာရဲ့စွမ်းဆောင်ရည်အရ ISO ကို ၂၅၆၀၀ အထိ သုံးစွဲနိုင်တာကို တွေ့ရပါတယ်။ Focus ပွိုင့် ၅၁ ခုပါဝင်ပြီး ဓါတ်ပုံဆရာများကို စိတ်ကျေနပ်မှု အပြည့်အ၀ပေးစွမ်းနိုင်မယ့် ကင်မရာပါ။ Movie ကို Full HD အရည်အသွေးနဲ့ရိုက်ကူးနိုင်ပြီး ကြီးမားတဲ့ LCD Screen နဲ့ဖန်တီးပေးထားပါတယ်။ စီးပွားရေးလုပ်ငန်းများအတွက် အကောင်းဆုံးအသုံးချနိုင်မယ့် ကင်မရာတစ်လုံးဖြစ်တဲ့အပြင် အနုပညာဆန်တဲ့ပုံရိပ်များစွာကို ပုံဖော်ပေးနိုင်တဲ့ Nikon ရဲ့မျိုးဆက်သစ် Professional ကင်မရာတစ်လုံးဖြစ်ပါတယ်။ အားနည်းချက် နောက်ဆုံးပေါ် Professional ကင်မရာဖြစ်တဲ့အတွက်ကြောင့် အားနည်းချက်အနည်းဆုံးဖြစ်အောင် ထုတ်လုပ်ပေးထားပါတယ်။ လုပ်ဆောင်ချက်ပိုင်းမှာလည်း အားနည်းမှုမရှိပါဘူး။ ဒါပေမယ့် D800 နဲ့D800 E ဆိုပြီး နှစ်မျိုးခွဲရောင်းချပေးထားတာကတော့ Nikon ရဲ့လိုအပ်ချက်လို့ ဆိုရမှာပါ။ Resolution မြင့်မားတဲ့အတွက် အချို့ပုံရိပ်များဟာ လိုင်းတွန့်လိုင်းကွေးများကြောင့် ပုံပျက်စီးတတ်ပါတယ်။ အဲ့ဒါကိုကာကွယ်ပေးမယ့် Low-pass fitter ပါဝင်တာနဲ့ မပါဝင်တာကွာပြီး Nikon D800 နဲ့ Nikon D800 E တို့ကွာခြားတာကို တွေ့ရပါတယ်။ ဒါဟာ ကင်မရာဝယ်ယူသုံးစွဲသူများကို စိတ်အနှောက်အယှက်ဖြစ်စေပါတယ်။ သုံးသပ်ချက် Nikon D800 ဟာကမ္ဘာမှာ Megapixel အမြင့်ဆုံးကင်မရာဖြစ်ပါတယ်။ စွမ်းဆောင်ရည်နဲ့ လုပ်ဆောင်ချက်များကိုလည်း နောက်ဆုံးပေါ်နည်းပညာများနဲ့ အကောင်းဆုံးဖန်တီးထားပါတယ်။ ဈေးနှုန်းကတော့ ဒေါ်လာ ၃၀၀၀ ၀န်းကျင်ရှိပါတယ်။ D800 နဲ့ D800E တို့ရဲ့ ဈေးနှုန်းဟာလည်း ဒေါ်လာနှစ်ရာခန့်သာ ကွာခြားမှာဖြစ်ပါတယ်။ ဈေးနှုန်းနဲ့ လုပ်ဆောင်ချက်တို့ ကိုက်ညီမှုရှိတဲ့ ကင်မရာဖြစ်တယ်လို့ သုံးသပ်ရမှာပါ။ ရေးသားသူ -ကျော်မျိုးဦး