သြစတြေးလျနိုင်ငံ New Castle University မှ နိုင်ငံတကာ ကျောင်းသားကျောင်းသူများအတွက် ပညာသင်ဆုလျှောက်ထားနိုင်ရန်ခေါ်ယူ

သြစတြေးလျနိုင်ငံ New Castle University ၏အင်ဂျင်နီယာဌာန၊ ပတ်ဝန်းကျင်နှင့် ဆောက်လုပ်ရေးဌာနတို့မှ ၂၀၁၂ -၂၀၁၃ ခုနှစ်အတွက် နိုင်ငံတကာ ကျောင်းသားကျောင်းသူများအတွက် ပညာသင်ဆုလျှောက်ထားနိုင်ရန် ခေါ်ယူကြောင်း EduLink Australia မှသိရသည်။ အဆိုပါပညာသင်ဆုကို ပေးအပ်ရခြင်းရည်ရွယ်ချက်မှာ New Castle ၏ Faculty of Engineering & Built Environment တို့မှ နိုင်ငံတကာ ကျောင်းသူကျောင်းသားများအတွက် ကမ္ဘာ့အဆင့်အတန်းမီ Undergraduate Education ကိုရရှိစေရန် အခွင့်အလမ်းပေးခြင်းဖြစ်ကြောင်း သိရသည်။ ပညာသင်ဆုမှာ ကျောင်းလခ၏ Semester အလိုက် ၂၅ ရာခိုင်နှုန်းကိုရရှိမှာဖြစ်ပြီး ပညာသင်ဆုရရှိသော ကျောင်းသားကျောင်းသူများ၏ ပညာရေးကြိုးစားအားထုတ်မှုပေါ်မူတည်၍ ပညာသင်နှစ် ၅ နှစ်ရရှိမည်ဖြစ်သည်။ ၎င်းပညာသင်ဆုကို လျှောက်ထားသော ကျောင်းသားကျောင်းသူများ၏ ပညာအရည်အချင်းပေါ်မူတည်၍ ရွေးချယ်သွားမည်ဖြစ်ပြီး လျှောက်ထားရန်နောက်ဆုံးရက်မှ ၂၀၁၂ ခုနှစ်၊ အောက်တိုဘာလ ၃၁ ရက်ဖြစ်သည်။ ပညာသင်ဆုရွေးချယ်ချီးမြင့်မည့် ကျောင်းသားဦးရေမှာ ၁၂ ယောက်ဖြစ်ပြီး Full-Time Degree Program ကို တက်ရောက်ရမည်ဖြစ်သည်။ အဓိကဘာသာရပ်များဖြစ်သည့် Engineering, Computer Science, Architecture, Construction Management, Industrial Design အစရှိသည့်ဘာသာရပ်များမှ ခွဲထွက်သော သက်ဆိုင်ရာအထူးပြုဘာသာရပ်များကိုပါ လျှောက်ထားနိုင်သည်။ ပညာသင်ဆုချီးမြှင့်ခံရသော ကျောင်းသားကျောင်းသူသည် Bursary ပညာသင်ဆုအနေဖြင့် ဒေါ်လာ ၁,၀၀၀ ကိုထပ်မံခံစားနိုင်ရန် လျှောက်ထားနိုင်ကြောင်းသိရသည်။ အသေးစိတ်သိရှိလိုပါက EduLink Australia ဖုန်း ၀၁-၅၀၀ ၄၆၄ သို့ ၀၉-၇၃၁၆ ၂၅၈၆ သို့မေးမြန်းစုံစမ်းနိုင်သည်။ ရေးသားသူ -စိုးမြင့်ထွန်း