Google+ သည် လူမှုကွန်ရက်တစ်ခုမဟုတ်ကြောင်း Google အမှုဆောင်ပြောကြား

Google+ သည် Facebook ကိုယှဉ်ပြိုင်ရန်အတွက် ထုတ်လုပ်ထားသည့် လူမှုကွန်ရက်သီးသန့်မဟုတ်ဘဲ Google အား အဆင့်မြှင့်တင်ထားသည့် ၀န်ဆောင်မှုတစ်ခုဖြစ်ကြောင်း Google ကုမ္ပဏီ၏ အမှုဆောင်များကပြောကြားခဲ့သည်။ လက်ရှိတွင် Google+ သုံးစွဲနေသူများသည် Google+ ၏ circle များမှနေ၍ မိသားစု၊ မိတ်ဆွေများနှင့် စကားစမြည်ပြောဆိုခြင်း၊ ဓာတ်ပုံများတင်ခြင်း၊ ဗီဒီယိုများကြည့်ရှုခြင်းတို့ကို ပြုလုပ်နေကြရာ ယင်းတို့ကို အခြားလူမှုကွန်ရက်များတွင်လည်း ပြုလုပ်နိုင်ကြောင်းနှင့် Google+ အား ၎င်းထက်ပိုသည့်ရည်မှန်းချက်ဖြင့် ထုတ်လုပ်ခဲ့ခြင်းဖြစ်ကြောင်း ကုမ္ပဏီ၏ လူမှုစီးပွားရေးတွဲဖက်ဥက္ကဋ္ဌ X Vic Gundotra နှင့် Google+ ၏ထုတ်ကုန်တွဲဖက်ဥက္ကဌ Bradley Horowitz တို့ကပြောကြားခဲ့သည်။ Google+ သည် လူမှုကွန်ရက်တစ်ခုအဖြစ်ထက် Google ၏ထုတ်ကုန်များအားလုံးကို အဆင့်မြှင့်တင်ထားခြင်းဖြစ်ကြောင်း၊ အသုံးပြုသူများက အဆိုပါအချက်ကို နားလည်မှုလွဲနေခြင်းဖြစ်ကြောင်း Gundotar က သတင်းဌာနတစ်ခုသို့ပြောကြားခဲ့သည်။ Google+ သည် Google ထုတ်ကုန်များအားလုံးကို တစ်စုတစ်စည်းတည်း အသုံးပြုနိုင်စေရန် ပြုလုပ်ထားခြင်းဖြစ်ပြီး လူမှုကွန်ရက်တစ်ခုအဖြစ်ထက်မူ ပိုမိုသာလွန်ကြောင်း Gabriel အကြံပေးအုပ်စု၏ သုတေသီတစ်ဦးဖြစ်သူ Dan Olds ကထုတ်ဖော်ပြောကြားခဲ့သည်။ ရေးသားသူ -ဟေမာ